..9.. O vórtice da historia: Elawei

O Palacio Áureo de Elawei é o epicentro deste primeiro libro. Esa cidadela de paredes labradas en ouro, e que chanta a rochosa estrutura da Montaña Sagrada, é o punto de partida da historia e, tamén, a fin do camiño. Os seus habitantes viven baixo o mandato do Forxador, pai de Bran e descendente directo dos Primeiros Homes, unha existencia plácida e baleira afastada do resto do mundo pola fronteira natural que conforman as Tres Cascadas. Mais case sempre, e esta aventura non ía ser menos, non hai fronteira que non se poida romper.